Poslovne vesti - Makedonija

Балканска млекара стана сопственик на имотот на Сведмилк

Собранието на доверители на Сведмилк одлучи имотот во стечајна маса на оваа млекара да го продадат на Балканска Млекара ДООЕЛ Скопје, чиј основач е една од најголемите турски компании во млечниот бизнис Суташ", како и со претходно откупеното заложното право на заложниот имот од НЛБ - Тутунска Банка, Балканска Млекара стана сопственик на целокупниот имот на Сведмилк.

Во функција на што побрзо рестартирање на производството на фабриката, кое според планот треба да се случи во најбрз временски рок, вчера во Македонија пристигна и нивен стручен тим кој ќе работи на подготовките на истото.

Покрај превземањето на млекарата, од компанијата најавуваат и дополнителни инвестиции во изградба на нови погони и капацитети, како и отворање на погон за производство на сточна храна.

Исто така, во планот на компанијата е и нејзино проширување со откуп на некои од постоечките земјоделски капацитети, како и договори со фармери кооперанти.

Од компанијата најавија доаѓање на висок претставник на Суташ" во Македонија, при што на прес - конференција ќе ги презентира нивните планови.